Mae’n bleser eich gwahodd chi i stondin Siop Cwlwm ar faes yr Eisteddfod Genedlaethol ar ddydd Mawrth y 5ed o Awst am 10yb wrth i ni gyhoeddi adnoddau newydd i gyd-fynd â chyfres lyfrau Stryd y Rhifau.
Mae wedi bod yn bleser cydweithio gyda Chyngor Llyfrau Cymru ar brosiect Rhyngom, a ariennir gan Lywodraeth Cymru. Cydweithiwyd gydag amryw o awduron gan gynnwys Casia Wiliam, Manon Steffan Ros, Llinos Dafydd, Aneirin Karadog a Catrin Evans Thomas wrth i ni addasu wyth llyfr i'r Gymraeg.
Ers blynyddoedd lawer, mae Peniarth wedi bod yn un o brif gyhoeddwyr adnoddau print a digidol sy’n gwasanaethu’r sector addysg yng Nghymru gyfan o gyfnod y blynyddoedd cynnar i addysg uwch. Mae Peniarth wedi creu cannoedd o adnoddau sy'n cynnwys cynlluniau poblogaidd fel Tric a Chlic, nifer o apiau a gwefannau. Ariennir llawer o'n hadnoddau gan Lywodraeth Cymru ac maent yn ategu gweithrediad Cwricwlwm i Gymru.
